मोटरसाइकलको ठक्करबाट पैदल यात्रीको मृत्यु

झापा, ३० कात्तिक । झपाको मेचीनगरमा मोटरसाइकलको ठक्करबाट एक जनाको मृत्यु भएको छ ।

आज बेलुका मेचीनगर नगरपालिका वडा नं. १० पुर्व पश्चिम राजमार्गमा चारआलीबाट धुलाबारी तर्फ जादै गरेको मे.६ प.३१७९ नम्बरको मोटर साईकलले बाटो क्रस गर्दै गरेको पैदल यात्रीलाई ठक्कर दिई दुर्घट्ना हुँदा एकजना पैदल यात्रीको मृत्यु भएको छ ।

तत्काल नाम थर वतन नखुलेको अं. बर्ष ५० को पुरुष मानिस गम्भिर घाईते भई उपचारको लागि B&C अस्पताल बिर्तामोड पठाएकोमा अस्पताल पुर्याउना साथ चिकित्सकले चेकजाँच गर्दा मृत्यु भइसकेको भनि घोषणा गरेको छ ।

मोटरसाईकल चालक जिल्ला झापा मेचीनगर नगरपालिका वडा नं. ७ बस्ने अं. बर्ष ५२ को गणेश राजबंशी समेत घाइते भई (हात खुट्टा, अनुहार र मुखमा चोट) सोही अस्पतालमा उपचार भइरहेको छ । उक्त घटना सम्बन्धमा थप अनुसन्धान कार्य जारी रहेको जिल्ला प्रहरी कार्यालय झापाले जनाएको छ ।

The post मोटरसाइकलको ठक्करबाट पैदल यात्रीको मृत्यु appeared first on Jhapa Online.