सिनामंगलको गेष्टहाउसमा युवायुवतीको रहस्यम मृत्यु

काठमाडौं । सिनामंगलस्थित एक गेष्ट हाउसमा युवायुवती झुन्डिएको अवस्थामा भेटिएका छन् ।

‘होटल जन्मभूमि’ नाम गरेको गेष्ट हाउसको एउटै कोठामा एक युवक र युवती मृत भेटिएका हुन् । प्रारम्भिक अनुसन्धानले घटना आत्महत्या भएको संकेत गरेको छ ।

मृत भेटिएकामा सुनसरी जिल्ला ठेगाना भएका करिब २५–२६ वर्ष उमेरका रमेश माझी छन् भने युवतीको नाम र उमेर नखुलेको गौशाला प्रहरीले जनाएको छ ।

शनिबार साँझ ६ बजे गेष्ट हाउस पुगेका उनीहरु चौथो तलाको कोठा नम्बर १२० मा बसेका थिए ।

आइतबार बिहानसम्म ढोका नखुलेपछि र बोलाउँदा नबोलेपछि प्रहरीलाई खबर गरिएको थियो । उनीहरूले बरन्डाको रेलिङमा सेतो रङको कपडाको सलले दुवै घाँटीमा पासो लगाएका थिए ।