जनकपुर बोल्ट्सले भित्र्यायो क्यानडाका अलराउन्डर ठाकर

काठमाडौं । नेपाल प्रिमियर लिग (एनपीएल) टोली जनकपुर बोल्ट्सले क्यानडाका अलराउन्डर हर्ष ठाकरलाई अनुबन्ध गरेको छ ।

बिहीबार जनकपुरले ठाकरलाई अनुबन्ध गरेको सामाजिक सञ्जालमार्फत जानकारी दिएको छ । २७ वर्षिय ठाकरले ३५ टी-२० आई खेलमा २९ विकेट तथा ४ सय ५१ रन बनाएका छन् ।

यसअघि जनकपुरले अमेरिकाका जोशुवा ट्रम्प, मोहम्मद मोहसिन र लाहिरु मिलन्था, पाकिस्तानका सोयब मक्सुद, न्युजिल्याण्डका जिमी निशम, र इंल्याण्डका अलराउन्डर बेन माइकलाई अनुबन्ध गरेको थियो ।

जनकपुरमा आसिफ शेख मार्की खेलाडी हुन् । टोलीको मुख्य प्रशिक्षक पुबुदु दासानायके हुन् ।

एनपीएल मंसिर १५ देखि पुस ६ गतेसम्म हुने हुनेछ । उद्घाटन खेलमा जनकपुर र विराटनगर किङ्सबीच प्रतिस्पर्धा गर्नेछन् ।