एनपीएल खेल्न मार्टिन गप्टिल काठमाडौंमा

काठमाडौं । नेपाल प्रिमियर लिग (एनपीएल) टोली विराटनगर किंग्सका मार्टिन गप्टिल काठमाडौं आइपुगेका छन् ।

बुधबार मार्टिन काठमाडौं आएको विराटनगरले जानकारी दिएको छ । ३८ वर्षीय गप्टिलले विभिन्न अन्तर्राष्ट्रिय क्रिकेट र फ्रेन्चाइज क्रिकेट लिग खेलिसकेका छन् ।

गप्टिलले न्युजिल्याण्डका लागि ४७ टेस्ट, १९८ ओडीआई र १२२ टी–२० आई खेल खेलेका छन् ।

यसअघि विराटनगर किंग्सका निकोलस किर्तन पनि काठमाडौं आइपुगेका हुन् ।

विराटनगरको मार्की खेलाडीमा सन्दीप लामिछाने छन् । यसले केभिन ओब्रायनलाई मुख्य प्रशिक्षक नियुक्त गरेको छ ।

एनपीएल मंसिर १५ देखि पुस ६ गतेसम्म हुने हुनेछ । उद्घाटन खेलमा जनकपुर र विराटनगर किङ्सबीच प्रतिस्पर्धा हुनेछ।