सुदूरपश्चिमविरूद्ध चलेन लुम्बिनीको ब्याटिङ, पावर प्लेमा ५ ब्याटर आउट

काठमाडौं । एनपीएलमा सुदूरपश्चिम रोयल्सविरुद्ध पावर प्लेमा लुम्बिनी लायन्सको ब्याटिङमा सङ्कट आएको छ ।

लुम्बिनीले पहिलो ६ ओभरमा ५ विकेटको क्षतिमा ३६ रन बनाएको छ ।

पहिलो बलमा नै ओपनर अर्जुन साउद आउट भएलगत्तै लुम्बिनीको ब्याटिङ धर्मरायो । छैटौँ बलमा अर्का ओपनर उन्मुक्त चन्द पनि ४ रनमा आउट भए ।

दुबै जनालाई सुदूरपश्चिमका स्कट कुग्गेलिजनले एलबीडब्लू आउट गर्दै पहिलो ओभरमा नै २ विकेट लिए ।

१.५ ओभरमा कप्तान रोहितकुमार पौडेल पनि ५ रनमा आउट भए । ब्राण्डन म्याकमुलनको बलिङमा रोहितले गरेको प्रहारलाई इशान पाण्डेले क्याच गरे ।

३.२ ओभरमा टम मुर्स ७ रनमा आउट भए । ३.३ ओभरमा साद बिन जफर पनि शून्यमा आउट भए । यससँगै एकै ओभरमा २ विकेट लिदैँ ब्राण्डनले जारी खेलमा आफ्नो ३ विकेट पूरा गरे ।

अहिले लुम्बिनीका लागि सन्दीप जोरा र विवेक यादवले ब्याटिङ गरिरहेका छन् ।

सुदूरपश्चिमले दिएको १८८ रनको लक्ष्यमा लुम्बिनीले जवाफी ब्याटिङ गरिरहेको छ ।