एलओडीमा गुन्जिए नेपालका चर्चित तीन ठुला ब्याण्ड

काठमाडौं । नेपालका चर्चित तीन ठुला ब्याण्ड एलओडीमा गुन्जिएका छन् । बुधबार साँझ पुर्ण राई एण्ड दाजुभाइहरु, सबिन राई फारो र जोन दि लोकल्स ब्याण्डले एकै दिन काठमाडौंको एलओडीमा प्रस्तुती दिएका हुन् ।

एलओडीमा यी तीन ब्याण्डको शोको टिकट बुकिङ्ग खुलेको दुई दिनमै सोल्ड आउट भएको थियो । लगत्तै आयोजकले सो थप गरेका हुन् । आज पनि क्लबमा शो हुने भएको छ । श्रोता तथा दर्शकको अधिक माग भएकाले दोस्रो शो थप गरिएको आयोजकले जनाएको छ । पहिलो शो मा दर्शकको उपस्थिति उल्लेख्य मात्रामा रहेको थियो ।

कन्सर्टमा पुर्णराई एण्ड दाजुभाइहरु, सबिन राई फारो र जोन दि लोकल्स ब्याण्डले आफ्नो चर्चित गीतहरु गाएका थिए ।