हर्ष थाकेर ‘प्लेयर अफ द म्याच’

काठमाडौं । एनपीएलमा लुम्बिनी लायन्सविरुद्धको खेलमा जनकपुर बोल्ट्सका बलर हर्ष थाकेर ‘प्लेयर अफ द म्याच’ घोषित भएका छन् ।

आइतबार भएको खेलमा पाँच विकेट लिएका उनले ‘प्लेयर अफ द म्याच’ अवार्ड प्राप्त गरेका हुन् । उनले ५० हजार रुपैयाँ पुरस्कार प्राप्त गरे ।

सुपर फोरको अवार्ड लुम्बिनीका कप्तान रोहितकुमार पौडेलले जितेका छन् । जसमा २५ हजार रुपैयाँको पुरस्कारसहित ५ हजार रुपैयाँको एनसेल रिचार्ज भौचर पनि प्राप्त गरे ।

अभिषेक गौतमले ‘ममेन्ट अफ द म्याच’ अवार्ड जिते । उनले २५ हजार रुपैयाँ प्राप्त गरेका छन् ।

जनकपुरमा ललित राजवंशीले ‘क्याच अफ द म्याच’ अवार्ड प्राप्त गरे । उनले २५ हजार रुपैयाँ पाएका छन् ।