६० किलो चाँदीसहित नियन्त्रणमा

हेटौंडा ।

प्रहरीले शनिबार विहान करिब सवा ११ बजे करिब ६० किलो अवैध चाँदीसहित एक जनालाई नियन्त्रणमा लिएको छ ।

अमलेखगञ्ज बारामा प्रबनानि टेकबहादुर कार्कीको कमाण्डमा खटिएको प्रहरी टोलीले बाराको जीतपुर सिमरा उपमहानगरपालिका वडा–२१, अमलेखगञ्जस्थित वीरगञ्जबाट हेटौंडातर्फ आउँदै गरेको स्कुटीबाट चाँदी बरामद गरेको हो ।

वागमती प्रदेश ०३–००५ प ३२६ नम्बर स्कुटी चेक गर्दा स्कुटीको खुट्टा राख्ने ठाउँमा फल्सबटम बनाइ लुकाइछिपाइ राखिएको चाँदी बरामद भएको प्रहरीले जनाएको छ ।

नियन्त्रणमा लिएका व्यक्तिमा बाराको कलैया उमनपा वडा–५, घुसुकपुर बस्ने वर्ष ३६ का कर्म साहसोनार छन् । उनको साथबाट एक करोड दुई लाख रुपियाँ बराबरको ६० किलो चाँदी बरामद भएको छ ।