लन्डनस्थित नेपाली दूतावासका पूर्व सैनिक सहचारीको जोडी अभिनयमा (भिडियोसहित)

लन्डन । लन्डनस्थित नेपाली राजदूतावासका पूर्व सैनिक सहचारी सहायक रथी रत्नबहादुर गोदार र श्रीमति बिनु गोदार (थापा) को म्यूजिक भिडियो सार्वजनिक भएको छ ।

आज आफ्नो वैवाहिक वार्षिकोत्सवका अवसरमा सैनिक अधिकृत गोदार दम्पतिको माया दिएं… गीतको म्यूजिक भिडियो सार्वजनिक भएको हो ।

मायालु भावको उक्त गीत बिनुले गाएकी हुन् ।
लन्डनस्थित चर्चित भिडियो तथा फोटोग्राफर एवं सञ्चारकर्मी कुशल श्रेष्ठको निर्देशन, छायांकन एवं सम्पादनमा बनेको उक्त म्यूजिक भिडियो बेलायतमै बनाइएको हो ।

तर, गोदार दम्पत्ति आफ्नो तीन वर्षे कार्यकाल सफलतापूर्वक सम्पन्न गरी गत जनवरीमा नेपाल फर्किइसकेका छन् ।

गोदार दम्पत्ति व्यवसायिक कलाकार नभएको र उनीहरुको पेशा अनि व्यक्तित्व समेतलाई मध्यनजर गर्दै म्यूजिक भिडियोमा आफूले अभिनय गराएको निर्देशक श्रेष्ठले बताए ।

माया दिएं… गीत बिदुर तिम्सिनाले लेखेका हुन् भने म्यूजिक कम्पोज एवं एरेन्ज राजेन्द्र सुवेदी, मेकअप आर्टिष्ट दिपिका श्रेष्ठ र कलर सुजन कोइरालाले संयोजन गरेका छन् । फिरोज बज्राचार्य (ज्योति) ले पाटन, ललितपुरमा रेकर्ड र मिक्सिंग गरेका हुन् ।

भिडियोः