विलियम बोसिस्टो ‘प्लेयर अफ द म्याच’

काठमाडौं । एनपीएलमा लुम्बिनी लायन्सविरुद्धको खेलमा कर्णाली याक्सका अलराउन्डर विलियम बोसिस्टो ‘प्लेयर अफ द म्याच’ घोषित भएका छन् ।

शुक्रबार भएको खेलमा कर्णालीलाई जिताउन ४४ रनको योगदान गर्नुको साथ १ विकेट लिएका बोसिस्टोले सो अवार्ड प्राप्त गरेका हुन् । उनले ५० हजार रुपैयाँ पुरस्कार प्राप्त गरे ।

एनपीएलमा उनले तेस्रो पटक प्लेयर अफ द म्याचको अवार्ड जितेका हुन् ।

लुम्बिनीका टम मुर्सले ‘सुपर फोर’ को अवार्ड जिते । जसमा २५ हजार रुपैयाँको पुरस्कारसहित ५ हजार रुपैयाँको एनसेल रिचार्ज भौचर पनि प्राप्त गरेका छन् ।

कर्णालीका नन्दन यादवले ‘ममेन्ट अफ द म्याच’ अवार्ड जिते । उनले २५ हजार रुपैयाँ प्राप्त गरेका छन् ।