पावर प्लेमा विराटनगरले लियो काठमान्डुको धमाधम विकेट

काठमाडौं । नेपाल प्रिमियर लिग एनपीएलको जारी खेलमा विराटनगर किंग्सले पावर प्लेमा काठमान्डु गुर्खाजको धमाधम विकेट लिएको छ ।

पहिलो ६ ओभरमा काठमान्डुले ५ विकेटको क्षतिमा ३५ रन बनाएको हो । विराटनगरको कसिलो बलिङमा काठमान्डुका ब्याट्म्यानलाई क्रिजमा टिक्न मुस्किल भइरहेको छ ।

५.३ ओभरमा क्रिस सोलले डेन डउथवेटलाई १ रनमा आउट गरे । ३.३ ओभरमा विराटनगरका क्रिस सोललले भीम सार्कीलाई १ ओभरमा आउट गरेका हुन् ।

यस्तै, विराटनगरका सन्दीप लामिछानेले एकै ओभरमा २ विकेट लिएका हुन् । सन्दिपले २.१ ओभरमा माइकल लेभिटलाई १० रनमा आउट गरे । सोही ओभरको अन्तिम बलमा भने सन्दीपले गेर्हार्ड इरास्मलाई १२ रनमा आउट गरे ।

यसअघि, १.२ ओभरमा काठमान्डुका स्टीफन एस्किनाजी १ रनमा आउट भएका हुन् । विराटनगरका बसिर अहमदले आउट गरेका हुन् ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा जारी खेलमा ११८ रनको लक्ष्य काठमान्डुले पछ्याइरहेको छ ।