प्रधानमन्त्री ओलीको अमेरिका भ्रमणमा ४ करोड बढी खर्च

काठमाडौँ । प्रधानमन्त्री केपी शर्मा ओलीको अमेरिका भ्रमणमा ४ करोड बढी खर्च भएको पाइएको छ ।

संयुक्त राष्ट्रसंघको ७९ महासभामा भाग लिन अमेरिका जाँदा प्रधानमन्त्री नेतृत्वले उच्चस्तरीय टोलीले राज्य कोषबाट ४ करोड २९ लाख ५८ हजार ८ सय ३७ रुपैयाँ खर्च भएको पाइएको हो ।

गत असोज ४ गतेदेखि १४ गतेसम्म ३० सदस्यीय टोलीले गरेको भ्रमणमा उक्त रकम खर्च गरेको अर्थ मन्त्रालयले जनाएको छ । अर्थ मन्त्रालयका अनुसार प्रधानमन्त्रीको अमेरिका भ्रमणका क्रममा भएको खर्च थप बजेट निकासामार्फत गरिएको छ ।

विदेश भ्रमणका लागि नियमित शिर्षकमा परराष्ट्र मन्त्रालयले प्रयाप्त बजेट नछुट्याउँदा थप बजेट निकासा गरिएको अर्थ मन्त्रालयले जनाएको छ ।