सबै उमेर समूहलाई केन्द्रित गर्दै ‘द वन्डरल्यान्ड विन्टर’ कार्निभल कार्यक्रम हुने

काठमाडौं । द वन्डरल्यान्ड गेम जोनले वन्डरल्यान्ड कार्निभलको घोषणा गरेको छ । डिसेम्बर २४ देखि जनवरी १ सम्म सञ्चालनमा रहने सो कार्यक्रममा परिवार र साथीहरूसँग सहभागी हुन सक्ने बताइएको छ ।

कार्यक्रममा अतिरिक्त खेलहरू, मस्कट परेड, सान्ता क्लॉजको उपस्थिति, बिङ्गो सत्र, लक्की ड्रा, खेल प्रतियोगिता, खाने चुनौती, लाइभ ब्यान्ड, सङ्गीत प्रस्तुतिहरू, डिस्को नाइट जस्ता रोमाञ्चक गतिविधिहरू हुने आयोजकले जनाएको छ ।

कर्निभलले एक वर्षमा प्राप्त गरेको सफलताको उत्सव मनाउँदै भविष्यमा पनि वन्डरल्यान्डमा यस्ता उत्सव र मनोरञ्जनात्मक कार्यक्रमहरूको आयोजना गर्दै जाने बताएको छ ।

नेपालको एक शीर्ष रमाइलो पार्क वन्डरल्याण्ड नेपालमा हरेक उमेर समूहले रमाइलो गर्न पाउने वातावरण रहेको छ ।