मनमोहन सिंहको राजकीय सम्मानका साथ अन्त्येष्टि

काठमाडौं । पूर्वप्रधानमन्त्री मनमोहन सिंहको दिल्लीको निगमबोध घाटमा राजकीय सम्मानका साथ अन्तिम संस्कार गरिएको छ ।

राष्ट्रपति द्रौपदी मुर्मु, प्रधानमन्त्री नरेन्द्र मोदी र लोकसभाका विपक्षी नेता राहुल गान्धी पूर्व प्रधानमन्त्रीलाई अन्तिम बिदाइ गर्न निगमबोध घाट पुगेका थिए ।

उनीहरु बाहेक अन्य धेरै केन्द्रीय मन्त्रीहरू र कांग्रेस पार्टीका वरिष्ठ नेताहरू पनि पूर्वप्रधानमन्त्रीलाई श्रद्धाञ्जली दिन आएका थिए ।

सिंहको बिहीबार साँझ दिल्लीस्थित एम्स अस्पतालमा निधन भएको थियो । लामो समयदेखि स्वास्थ्य समस्या झेल्दै आएका सिंह ९२ वर्षका थिए ।

यसैबीच, डा मनमोहन सिंहको स्मारकका लागि जतिसक्दो चाँडो ठाउँ उपलब्ध गराउन माग बढ्दै गएको छ ।

कांग्रेस सभापति मल्लिकार्जुन खर्गेको पत्र र यस विषयमा सरकारको जवाफपछि कांग्रेसका धेरै नेताहरुको भनाइ बाहिर आएको छ ।