आरिफ शेखको कप्तानीमा पुलिसको टोली घोषणा

काठमाडौं । नेपाल पुलिस क्लबले जय ट्रफीको लागि टोली घोषणा गरेको छ । आरिफ शेखको कप्तानीमा १५ सदस्यीय टोली घोषणा गरेको हो ।

जय ट्रफी नेपाल क्रिकेट सङ्घ(क्यान)को आयोजनामा पुस २१ देखि २९ गतेसम्म जनकपुर र वीरगञ्जमा हुँदैछ ।

जय ट्रफीमा २०२४ को सुरुवातमा भएको प्रधानमन्त्री कप राष्ट्रिय एकदिवसीय क्रिकेट प्रतियोगिताका शीर्ष चार टोलीले भाग लिनेछन् । जसमा नेपाल पुलिस क्लब, त्रिभुवन आर्मी क्लब, बागमती प्रदेश तथा मधेस प्रदेश छन् ।

सिङ्गल राउण्ड रोबिन लिगका आधारमा सञ्चालन हुने प्रतियोगिताका शीर्ष २ टोलीबीचमा फाइनल हुनेछ । लिग चरणका खेल दुई दिवसीय र फाइनल तीन दिवसीय ढाँचामा खेलाइने छ ।

उद्घाटन खेलमा बागमती र मधेसबीच प्रतिस्पर्धा हुनेछ ।

टोली-

आरिफ शेख(कप्तान), कुशल भूर्तेल, गुल्शन झा, करण केसी, ललित राजवंशी, अमित श्रेष्ठ, दिलिप नाथ, श्रवण यादव, सुनिल दौल्यान, सागर ढकाल, शङ्कर राणा, अभिनाश कर्ण, राशिद खान, अर्जुन साउद, दिपक सेरेला ।