चलेन गण्डकीको ब्याटिङ, सुदूरपश्चिमलाई ५६ रनको लक्ष्य

काठमाडौं । महिला प्रधानमन्त्री कपमा गण्डकी प्रदेशले सुदूरपश्चिमलाई ५६ रनको लक्ष्य छ ।

धनगढीस्थित फाप्ला क्रिकेट मैदानमा जारी उद्घाटन खेलमा गण्डकीले निर्धारित १५ ओभरमा ७ विकेटको क्षतिमा ५५ रन बनाएको हो ।

गण्डकीका लागि रेखा तामाङ १३ र कप्तान सृजना पौडेलले १० रन बनाइन् । साथै, निरुता घर्ती मगरले ७, श्रेया शाहीले ३ र सलिना सेनले २ रन बनाइन् ।

सुदूरपश्चिमका लागि रेवती धामीले ४ तथा जानकी थापा र रितु कनौजियाले १–१ विकेट लिइन् ।

टस जितेर सुदूरपश्चिमले पहिले बलिङ रोजेको हो । मौसमका कारण खेल निर्धारित समयभन्दा केही ढिला सुरु भएको थियो ।