मेचीनगरमा आगलागी हुँदा आठ लाख बराबरको क्षति

झापा, ४ माघ । झापाको मेचीनगर नगरपालिका वडा नं. १२ माइलाबारी टोलस्थित होटल लिटल सेफ फास्ट फुड क्याफेमा आगलागी हुँदा करिब ८ लाख रुपैयाँ बराबरको क्षति भएको छ।

दामोदर दाहालको दुई तले घरको तल्लो तलामा प्रदिप लिम्बुले सञ्चालन गरेको उक्त क्याफेमा इन्भर्टरको तार सर्ट भएर गएराति करिब १ बजे आगलागी भएको हो । आगलागीबाट फ्रिज, र्याक, विभिन्न ब्राण्डका रक्सीहरू, नगद २५ हजार रुपैयाँ, इन्भर्टर, दुई वटा ब्याट्री र अन्य सामग्री जलेर नष्ट भएको छ ।

आगो प्रहरी चौकी चारआलीबाट खटिएको प्रहरी टोली र स्थानीयबासीको सहयोगमा करिब १ः२० बजे नियन्त्रणमा लिएको थियो । आगलागीले क्याफे आंशिक रूपमा जलेर नष्ट भएको छ ।

The post मेचीनगरमा आगलागी हुँदा आठ लाख बराबरको क्षति appeared first on Jhapa Online.