विश्वमणि सुवेदी प्रेस चौतारीमा प्रवेश

काठमाडौं । समाजवादी प्रेस सङ्गठन, नेपालबाट निष्कासित भएका विश्वमणि सुवेदी नेकपा एमालेनिकट प्रेस चौतारी नेपालमा प्रवेश गरेका छन् ।

एमाले महासचिव शंकर पोखरेल, प्रचार विभाग प्रमुख राजेन्द्र गौतमलगायतले सुवेदीलाई स्वागत गरेका हुन् ।

शुक्रबार प्रेस सङ्गठनका वरिष्ठ उपाध्यक्ष नवराज छतकुलीले विभिन्न आरोप लगाउँदै सुवेदीलाई निष्कासन गरेका थिए । लगत्तै सुवेदी प्रेस चौतारीमा प्रवेश गरेका हुन् ।

नेकपा एकीकृत समाजवादीको भ्रातृ सङ्गठनका रुपमा रहेको समाजवादी प्रेस सङ्गठनको २०८० जेठमा सम्पन्न महाधिवेशनबाट सुवेदी अध्यक्षमा निर्वाचित भएका थिए ।