सुदूरपश्चिमका पूर्वमन्त्री सुवेदी र उनका छोरालाई एमालेबाट निष्कासन गर्न सिफारिस

काठमाडौं । सत्तारुढ दल नेकपा एमालेले सुदूरपश्चिम प्रदेशका पूर्वसामाजिक विकासमन्त्री कृष्णराज सुवेदी र जिल्ला सदस्य रहेका उनका छोरा भीष्मराज सुवेदीलाई पार्टीबाट निष्कासन गर्न प्रक्रिया अगाडि बढाएको छ ।

सुवेदीद्वयलाई पार्टीबाट निकाल्न जिल्ला कमिटी कैलालीले केन्द्रलाई सिफारिस गरेको हो ।

शनिबार बसेको पार्टीको जिल्ला सचिवालय बैठकले पूर्वमन्त्री कृष्णराज र जिल्ला सदस्य भीष्मराजलाई पार्टीको संगठित सदस्यसमेत नहरने गरी निष्कासन गर्न केन्द्रीय कमिटीलाई सिफारिस गरेको एमाले कैलालीले जनाएको छ ।

उनीहरू दुवैजना एमालेबाट निकालिएका पूर्वउपाध्यक्ष डा. भीम रावलको गतिविधिमा संलग्न भएको पाइएपछि कारबाही गर्न सिफारिस गरिएको एमालेले जनाएको छ ।

उनीहरू रावलको मातृभूमि जागरण अभियानमा सक्रिय रहेकाे बताइएको छ ।

पूर्वउपप्रधानमन्त्रीसमेत रहेका रावल हाल मातृभूमि जागरण अभियान सञ्चालन गर्दै जिल्ला दौडाहामा लागेका छन् ।

उनले नयाँ दलको नाम ‘मातृभूमि जागरण अभियान, नेपाल’ राख्ने निर्णयसमेत गरिसकेका छन् ।

भीम रावलले टुङ्ग्याए नयाँ पार्टीको नाम