स्वरोजगार लघुवित्तको लाभांश घोषणा 

काठमाडौँ । स्वरोजगार लघुवित्त वित्तीय संस्थाले लाभांश घोषणा गरेको छ । 

लघुवित्तको फागुन २१ गते बसेको सञ्चालक समितिको बैठकले गत आर्थिक वर्षको मुनाफाबाट सेयरधनीहरुलाई वितरण गर्ने लाभांश घोषणा गरेको हो । 

लघुवित्तले हाल कायम चुक्ता पुँजीको १४.६२ प्रतिशत लभांश वितरण गर्ने भएको छ । जसमध्ये १३.८९ प्रतिशत बोनस सेयर र कर प्रयोजनका लागि ०.७३१२ प्रतिशत नगद लाभांश वितरण गर्ने निर्णय भएको लघुवित्तले जनाएको छ । 

लघुवित्तले घोषणा गरेको लाभांश नेपाल राष्ट्र बैंक र वार्षिक साधारण सभाबाट पारित भएपछि सेयरधनीलाई वितरण गरिनेछ ।