ट्याक्टर दुर्घटनामा दुई जनाको मृत्यु, चार जना घाइते

म्याग्दी, ८ चैत । म्याग्दीमा बिहीबार साँझ ट्याक्टर दुर्घटना हुँदा दुई जनाको मृत्यु भएको छ । उक्त दुर्घटनामा अन्य चार जना घाइते भएका छन् ।

धवलागिरि गाउँपालिका–२ लुलाङमा ग १ त ७१९६ नम्बरको ट्याक्टर सडकबाट करिब डेढसय मिटर तल खस्दा स्थानीय १८ वर्षीय देविन विक र २१ वर्षीय पूर्णलाल रसाइलीको मृत्यु भएको जिल्ला प्रहरी कार्यालय म्याग्दीले जनाएको छ ।

दुर्घटनामा सोही ठाउँका कविराज विक र कमल विक, म्याग्दीकै मालिका गाउँपालिका–६ दरबाङका विकास विक र धवलागिरि गाउँपालिका–४ का किस्मत विक घाइते भएका छन्। उनीहरुको लुलाङ स्वास्थ्य चौकीमा सामान्य उपचारपछि थप उपचारको लागि राति नै सदरमुकाम बेनी लगिएको छ । उनीहरुमध्ये गम्भीर अवस्थाका एक घाइतेलाई पोखराको मणिपाल अस्पताल लगिएको प्रहरीले जनाएको छ।

The post ट्याक्टर दुर्घटनामा दुई जनाको मृत्यु, चार जना घाइते appeared first on Jhapa Online.