ट्राफिक स्ट्याण्डमा उभिँदै रवीन्द्रले भने – आन्दोलन रोकिएको छैन

काठमाडौं । राजसंस्था पुनर्स्थापनाका लागि संयुक्त जनआन्दोलन समितिको निर्देशन समितिका सदस्य तथा राप्रपा वरिष्ठ नेता रवीन्द्र मिश्रले आन्दोलन नरोकिने बताएका छन् ।

राजावादीहरु उग्र भएर विभिन्न स्थानमा तोडफोड तथा आगजनी गरिरहेको बेलामा मिश्रले यस्तो बताएका हुन् ।

तीनकुनेस्थित ट्राफिक स्ट्याण्डबाट उनले भने, “आन्दोलन रोकिएको छैन । सम्पूर्ण जनधन क्षतिको जिम्मेवारी सरकारले लिनु पर्छ । कुनैपनि परिस्थितिमा सर्वसाधारण तथा व्यक्तिगत सम्पत्तिमाथि आक्रमण नगर्न विनम्र अनुरोध गर्दछु । ”

उनले प्रदर्शनकारीलाई कार्यक्रमस्थलमा फर्किन आग्रह गरेकोजस्तो पनि देखिन्छ ।