झापाको शिवसताक्षीबाट ब्राउनसुगरसहित एक जना पक्राउ

झापा, ८ जेठ । झापाको शिवसताक्षी नगरपालिकाबाट लागुऔषध ब्राउनसुगरसहित एक जना पक्राउ परेका छन् ।

शिवसतक्षी–६ शिवगञ्जका परमानन्द साहले लागुऔषध ओसारपसार तथा बेचबिखन गरिरहेको भन्ने गोप्य सूचनाको आधारमा उनको घरमा गएर चेकजाँच गर्ने क्रममा प्लास्टिक बाहेक २ ग्राम ९०० मिलिग्राम ब्राउनसुगर बरामद गरेको हो ।

साहको ओछ्यानको सिरानी मुनि खुकुरी चुरोटको बट्टाभित्र प्लाष्टिकले बेरेर लुकाएर राखेको ४६ पोका लागुऔषध ब्राउनसुगर फेला परेको थियो । लागुऔषध र परमानन्द साहलाई नियन्त्रणमा लिएर इलाका प्रहरी कार्यालय झिलझिलेबाट अनुसन्धान भइरहेको जिल्ला प्रहरी कार्यालय झापाले जनाएको छ ।

The post झापाको शिवसताक्षीबाट ब्राउनसुगरसहित एक जना पक्राउ appeared first on Jhapa Online.