मेचीपुलबाट शिवसताक्षीका युवा लागुऔषधसहित पक्राउ

झापा, १३ जेठ । झापाको मेचीनगर नगरपालिका–६ स्थित मेचीपुलबाट प्रहरीले आज बेलुका एक युवालाई पक्राउ गरेको छ ।

मेचीनगर नगरपालिका–६ पुरानो मेचीपुलस्थित लागूऔषध ब्युरो नियन्त्रण काँकरभिट्टाबाट प्रहरी टोलीले भारतको पानीट्याङ्कीबाट नेपालतर्फ सिटिसफारीमा सवार शिवसताक्षी नगरपालिका–९ का २५ वर्षीय बिरहाङ लेछर्वो लिम्बूलाई पक्राउ गरेको हो ।

उनीमाथि शंका लागेर शरीर तलासी लिँदा लागुऔषध खैरो हेरोइनजस्तो देखिने प्लाष्टिकबाहेक ४ ग्राम ८०० मिलिग्राम फेला परेको जिल्ला प्रहरी कार्यालय झापाले जनाएको छ । लागुऔषधसहित उनलाई नियन्त्रणमा लिई आवश्यक कारबाहीका लागि इलाका प्रहरी कार्यालय काँकरभिट्टामा ल्याएर राखिएको छ ।

The post मेचीपुलबाट शिवसताक्षीका युवा लागुऔषधसहित पक्राउ appeared first on Jhapa Online.