यू-२३ एसियन कप छनोट : समूह ‘के’मा नेपाल

काठमाडौं । साउदी अरबमा आयोजना हुने एएफसी यू–२३ एसियन कप २०२६ फुटबल छनोट प्रतियोगिताका लागि नेपाल समूह ‘के’मा परेको छ ।

समूह ‘के’मा नेपालसँगै ताजिकिस्तान, सिरिया र फिलिपिन्स रहेका छन् । एसियन फुटबल महासंघ एएफसीले लेसियाको क्वालालम्पुरस्थित एएफसी मुख्यालयमा बिहीबार समूह विभाजन गरेको हो ।

यस समूहको खेल ताजकिस्तानमा हुने एएफसीले जनाएको छ । छनोटमा ४४ वटा यू–२३ राष्ट्रिय टोली सहभागी हुनेछन् । ती टोलीलाई ११ समूहमा विभाजन गरिएको छ । छनोट चरणका खेल सेप्टेम्बर १ देखि ९ सम्म सञ्चालन हुनेछन् ।

प्रत्येक समूहको शीर्ष टोली र चार उत्कृष्ट उपविजेता टोलीले २०२६ मा साउदी अरबमा आयोजना हुने प्रतियोगितामा स्थान बनाउने छन् । आयोजक राष्ट्र साउदी भने सिधै छनोट भइसकेको छ ।