राजु पाण्डेद्वारा उच्च अदालत पाटनमा रिट दायर, बुधबारका लागि पेसी तोकियो

काठमाडौं । काठमाडौं महानगरपालिकाका निलम्बित नगर प्रहरी प्रमुख राजु पाण्डेले आफूमाथिको कारबाहीविरुद्ध उच्च अदालत पाटनमा मुद्दा दायर गरेका छन् ।

मंगलबार अदालतमा आफैँ उपस्थित भएर उनले रिट दायर गरेको अदालतकी प्रवक्ता पार्वती हितानले नेपालभ्युजलाई जानकारी दिइन् ।

साथै पाण्डेको मुद्दा सुनुवाइका लागि पाटन उच्च अदालतमा बुधबारका लागि पेसी तोकिएको छ ।

कामपाका प्रमुख प्रशासकीय अधिकृत सरोज गुरागाईंले गत जेठ २० गते उनलाई ६ महिनाका लागि निलम्बन गरेका थिए । पाण्डेले आफूमाथि कारबाही गरेको आरोप लगाउँदै उच्च अदालत पाटनमा रिट दायर गरेका छन् ।

पाण्डेले कामपा, मेयर बालेन शाह, उपमेयर सुनिता डंगोल, प्रमुख प्रशासकीय अधिकृत गुरागाईँ, महानगरीय प्रहरी बल, हालका कामपा प्रहरी प्रमुख विष्णुप्रसाद जोशी र नगर कार्यपालिकाको कार्यालयलाई विपक्षी बनाई मुद्दा दायर गरेका थिए ।