ट्रम्पको दाबी : अमेरिकी आक्रमणले इरानको आणविक कार्यक्रमलाई दशकौं पछाडि धकेल्यो

काठमाडौं । अमेरिकी राष्ट्रपति डोनाल्ड ट्रम्पले अमेरिकाको आक्रमणले इरानको आणविक कार्यक्रमलाई दशकौं पछाडि धकेलेको दाबी गरेका छन् ।

अमेरिकी आक्रमणले इरानको आणविक कार्यक्रमलाई कति क्षति पुर्यायो ? भन्ने सञ्चारकर्मीले सोधेको प्रश्नको जवाफमा बुधबार उनले आक्रमणले युद्ध समाप्त गरेको बताए ।

‘मलाई लाग्छ यसले इरानको आणविक कार्यक्रमलाई दशकौं पछाडि धकलेकोे छ । अब उनीहरूलाई चाहिने अन्तिम कुरा भनेको समृद्धि हो । त्यो आक्रमणले युद्ध समाप्त गर्यो,’ उनले भने ।

ट्रम्पले इरान र इजरायलबीचको जारी द्वन्द्वलाई ‘स्कुलको आँगनमा दुई बालबालिका झगडा गरे जस्तै’ भन्दै टिप्पणी गरे ।

उनले भने, ‘उनीहरूलाई केही समय लड्न देऊ, त्यसपछि तिनीहरूलाई रोक्न सजिलो हुनेछ,’

इजरायल र इरानबीचको द्वन्द्वलाई ध्यानमा राख्दै ट्रम्पले रुसी राष्ट्रपति भ्लादिमिर पुटिनसँग पनि कुरा गरेको बताएको बीबीसीमा समाचार छ ।

उनले थपे, ‘मैले उनलाई इरानलाई होइन, हामीलाई मद्दत गर्न भनेको थिएँ ।’