यलमाँया केन्द्रमा सितार बादनमा राग बागेश्री ।

माघ ३, काठमाडौं । यलमाँया केन्द्र पाटनढोका , ललितपुरमा डा. ध्रुबेशचन्द्र रेग्मीले सितार बादनमा राग बागेश्री प्रस्तुत गर्नु भएको छ ।

उहाँलाई तबलामा पं अच्यतुराम भण्डारीले साथ गर्नु भएको थियो । हरेक नेपाली महनिाको २ गते प्रस्तुत गरिने कार्यक्रमको २ सय ३१ श्रृंखलामा बरिष्ठ सितार बादक डां ध्रुबेशचन्द्र रेग्मीले राग बागेश्रीमा आधारित सितार बादन प्रस्तुत गर्नु भएको थियो । साथै उहाँले कार्यक्रमको अन्त्यमा राग भैरवी र मिश्र खमाजमा आधारित धुनहरु प्रस्तुत गर्नु भएको थियो । 
राग बागेश्री काफी थाटबाट उत्पन्न भएको राग हो भने यसको जाति औडव—षाडव हो ।यस रागको वादी स्वर मध्यम र सम्वादी स्वर षडज हो । यस रागमा गन्ँधार र निषाद कोमल भई बाकी स्वरहरु शुद्ध प्रयोग हुन्छन ।