क्रान्तिकारीमा सुल्झिएन उमेरहद विवाद, अब के हुन्छ ?
काठमाडौं । अखिल (क्रान्तिकारी) मा उमेरहदको विवाद अझै सुल्झिएको छैन । त्यसकै कारण १४ गते नै सकिनुपर्ने २३औं सम्मेलन अझैसम्म लम्बिइरहेको छ । गत असोज १० गतेयता कीर्तिपुरमा जारी सम्मेलनको समूहगत छलफलबाट सङ्गठनमा ३२ वर्षे उमेरहद लागू गर्नुपर्ने माग भएपछि मातृपार्टी नेकपा (माओवादी केन्द्र) ले ३२, ३० र २८ मध्ये एउटा उमेरहद लागू गर्ने निर्णय […]
काठमाडौं । अखिल (क्रान्तिकारी) मा उमेरहदको विवाद अझै सुल्झिएको छैन । त्यसकै कारण १४ गते नै सकिनुपर्ने २३औं सम्मेलन अझैसम्म लम्बिइरहेको छ ।
गत असोज १० गतेयता कीर्तिपुरमा जारी सम्मेलनको समूहगत छलफलबाट सङ्गठनमा ३२ वर्षे उमेरहद लागू गर्नुपर्ने माग भएपछि मातृपार्टी नेकपा (माओवादी केन्द्र) ले ३२, ३० र २८ मध्ये एउटा उमेरहद लागू गर्ने निर्णय गरिसकेको छ ।
पार्टीले ‘उमेरहद लागू गर्ने कि नगर्ने’ र ‘लागू गरे कति वर्षे गर्ने’ भन्ने गरी दुईवटा विषयको छिनोफानो निर्वाचनमार्फत गर्न निर्देशन गरेको छ । तर, निर्वाचन हुन सकिरहेको छैन । खासगरी अध्यक्षका प्रत्याशीहरू सर्वप्रथम उमेरहद लागू गर्न नहुने र कदाचित लागू गर्नैपर्ने अवस्था आए निर्वाचनमार्फत टुङ्गिनुपर्ने पक्षमा छैन् । त्यहीँ कुरा नमिल्दा निर्वाचन हुन नसकिरहेको हो ।
निर्वाचन हुनुको साटो बरु त्यहाँ झडप र कुर्सी हानाहानको अवस्था सृजित भएको छ । बुधबार (आज) पनि यो क्रम दोहोरिएको छ । यसपछि अध्यक्ष मण्डलले बन्दसत्र नै स्थगन गरेको छ ।
क्रान्तिकारीको सम्मेलनमा कुर्सी हानाहान र कुटाकुट (भिडिओसहित)
यसअघि पनि त्यहाँ विवाद भएको थियो । यसपछि अध्यक्षका प्रत्याशीहरूलाई लिएर फ्र्याक्सन इन्चार्ज हिमाल शर्मा पार्टी अध्यक्ष पुष्पकमल दाहाल ‘प्रचण्ड’कहाँ पुगेका थिए । तर, प्रचण्डले निर्णयानुसार नै निर्वाचन गर्न निर्देशन गरे ।
तर, अहिलेसम्म निर्वाचन हुन सकेको छैन । अध्यक्ष प्रचण्डले विवाद सुल्झाउन पार्टी उपमहासचिव शक्ति बस्नेतलाई खटाएका छन् । विवाद सुल्झाउनका लागि खटिएका बस्नेतले मङ्गलबार राति अबेरसम्म सङ्गठनका पूर्वअध्यक्षहरूसँग बागबजारस्थित होटल हार्दिकमा संवाद गरेका थिए तर, पनि समस्याको समाधान निस्केन ।
यससँगै उमेरहद राख्ने कि नराख्ने र राखे कुन राख्ने भन्नेबारेको विवाद सकिएको छैन । अध्यक्षका प्रत्याशीहरूले निर्वाचनमार्फत नै त्यसको निर्क्योल हुनुपर्ने अडान लिएका छन् ।
त्यसरी जाँदा मात्रै आफूहरूले उमेरहद मान्ने उनीहरूले बताइरहेका छन् । अध्यक्षका एक प्रत्याशीले भने, “हामी २५ वर्षे उमेरहदसमेत मान्न तयार तर, त्यसको निर्क्योल निर्वाचनमार्फत हुनुपर्छ । अन्यथा मान्देनौँ ।”
अध्यक्षका अर्का प्रत्याशी जीपी मैनाली पनि त्यहीँ समर्थन जनाउँछन् । उनले सबै विषय निर्वाचनमार्फत नै टुङ्गो लाग्नुपर्ने बताउँछन् ।
त्यसो त खासगरी पार्टीका कतिपय नेताहरूले भने आपसको संवादबाटै उमेरहद विवाद टुङ्गिनुपर्नेमा जोड गरेको बताइन्छ । त्यसकै कारणले समस्या भएको विद्यार्थी नेताहरूको बुझाइ छ ।
- सम्बन्धित समाचार
What's Your Reaction?
