हरित उत्थान कार्यशाला सम्पन्न, पत्रकारको भूमिका महत्वपूर्ण

झापा, १० कात्तिक । आर्थिक पत्रकार समाज (सेजन) को आयोजना शुक्रबारदेखि धनुषाको लालगढमा शुरु भएको दुई दिवसीय कार्यशाला सम्पन्न भएको छ ।

हरित, उत्थानशील र समोवशी विकास (ग्रीड) विषयक कार्यशालामा मधेश प्रदेश र कोशी प्रदेशका सञ्चारकर्मी सहभागी थिए । ग्रीडको विषयमा सञ्चारकर्मीलाई प्रशिक्षित गराएर सोको क्षेत्रमा कलम चलाउन अभिप्रेरित गर्ने उद्देश्यले कार्यशाला आयोजना गरिएको सेजन अध्यक्ष सुजन ओलीले जानकारी दिनुभयो ।

कार्यशालामा ग्रीडको अवधारणा र रणनीतिक योजनाका बारेमा मुख्य कर अधिकृति मुक्तिराम आचार्यले प्रष्ट पार्नुभएको थियो । उहाँले ग्रीडका १० वटा रणनीति कार्ययोजनाका बारेमा जानकारी दिनुभयो । सरकारले रणनीतिक कार्ययोजना २०२४–२०३४ तयार भइएर छलफल भइरहेको उहाँले बताउनुभयो ।

त्यस्तै, पत्रकारिताको माध्यमकबाट ग्रीडको रिपोर्टिङ कसरी गर्न सकिन्छ भन्ने विषयमा प्रशिक्षक रुद्र खड्काले सहभागीलाई प्रशिक्षण दिनुभएको थियो । विकासको शैली, जलवायु परिवर्तन, सामाजिक परिवेश, समता र समानता, विकास र अर्थतन्त्र सञ्चारमाध्यमको मुद्दा भएको बताउँदै उहाँले त्यसको क्षेत्रमा पत्रकारहरुले कलम चलाउनुपर्नेमा जोड दिनुभयो । “यस्ता विषयलाई सञ्चारमाध्यले उठाउनु पर्छ”, उहाँले भन्नुभयो, “त्यसमा पत्रकारको भूमिका महत्वपूर्ण हुन्छ ।”

कार्यशालामा पाँच भागमा विभाजित समूहले दिगो र उत्थानशील सडक र यातायात, नेपालको नवीकरणीय ऊर्जा सम्भाव्यताको प्रचुर मात्रामा उपयोग, हरित उत्थानशील र समावेशी शहरहरु, वायु गुणस्तर सुधार र प्लाष्टिकसहित ठोस फोहोरमैलाको दिगो व्यवस्थापन विषयमा सहभागीहरुले कार्यपत्र प्रस्तुत गरेका थिए ।

मुख्य कर अधिकृत मुक्तिराम आचार्य र प्रशिक्षक रुद्र खड्काले ती प्रस्तुतीको मूल्यांकन गर्नु भएको थियो । सबै प्रस्तुतीकरण उत्कृष्ट भए तापनि समूह सी प्रथम भएको निर्णाकय समितिले घोषणा गर्दै पुरस्कृत गरेको छ ।

कार्यशालाको समापन समारोहमा प्रशिक्षार्थी झापाका राजन साम्पाङले तालिम उपयोगी भएको बताउनुभयो । आगामी दिनमा समेत यस प्रकारका तालिम आयोजना आग्रह गर्नुभयो । कार्यशालामा सहभागीलेहरुले तालिम धेरै उपयोगी भएको प्रतिक्रया दिँदै ग्रीडमा आधारित सञ्चारकर्म गर्न मार्गप्रशस्त भएको बताएका छन् ।

सेजनका महासचिव विश्वास रेग्मीले ग्रीड नयाँ विषय नभएको बताउनुभयो । उहाँले यी विषयहरु पहिला पनि उठान भइरहेको र थप टड्कारो रुपमा उठाउनुपर्नेमा जोड दिनुभयो ।

The post हरित उत्थान कार्यशाला सम्पन्न, पत्रकारको भूमिका महत्वपूर्ण appeared first on Jhapa Online.