मेची–महाकाली राष्ट्रिय उद्धार यात्रा : झापाबाट १० जनाको उद्धार
बनियानी, २८ असोज । झापामा आज १० जना सडक मानवको उद्धार गरिएको छ । मेचीनगर–६ काँकरभिट्टास्थित मेची पुलबाट आजदेखि शुरु भएको मेची–महाकाली राष्ट्रिय उद्धार यात्रा–२०८१ का क्रममा जिल्लाका विभिन्न स्थानबाट नौ जना पुरुष र एक जना महिलाको उद्धार गरिएको हो । मानव सेवा आश्रम र आनी छोइङ डोल्मा फाउण्डेसनको संयुक्त आयोजनामा शुरु भएको उद्धार अभियानका [...] The post मेची–महाकाली राष्ट्रिय उद्धार यात्रा : झापाबाट १० जनाको उद्धार appeared first on Jhapa Online.
बनियानी, २८ असोज । झापामा आज १० जना सडक मानवको उद्धार गरिएको छ ।
मेचीनगर–६ काँकरभिट्टास्थित मेची पुलबाट आजदेखि शुरु भएको मेची–महाकाली राष्ट्रिय उद्धार यात्रा–२०८१ का क्रममा जिल्लाका विभिन्न स्थानबाट नौ जना पुरुष र एक जना महिलाको उद्धार गरिएको हो ।
मानव सेवा आश्रम र आनी छोइङ डोल्मा फाउण्डेसनको संयुक्त आयोजनामा शुरु भएको उद्धार अभियानका क्रममा मेचीनगर नगरपालिकाबाट चार जना, बिर्तामोड नगरपालिकाबाट दुई जना, कनकाई नगरपालिकाबाट दुई जनाको र शिवसताक्षी नगरपालिकाबाट दुई जनाको उद्धार गरिएको मानव सेवा आश्रमका संस्थापक अध्यक्ष रामजी अधिकारीले दिनुभयो ।
‘यो पटकको चाडपर्वमा कसैले बस्न नपरोस् सडकपेटीमा’ भन्ने मूल भावका साथ शुरु भएको ३२ दिने अभियानका क्रममा आज उद्धार गरिएकाहरुलाई मानव सेवा आश्रम मेचीनगर सेवाकेन्द्रमा गृह प्रवेश गराएको उहाँले बताउनुभयो ।
मानव सेवा आश्रमले सातै प्रदेशका १९ वटा जिल्लामा २५ वटा सेवाकेन्द्र विस्तार गर्दै सहयोगापेक्षी सडकआश्रित मानवहरुको उद्धार, उपचार, संरक्षण तथा सुन्दर पारिवारिक पुनर्मिलन गराउँदै आएको अध्यक्ष अधिकारीले बताउनुभयो ।
पहिलो मेची–महाकाली राष्ट्रिय उद्धार यात्रामा सात सय ५८ जना र अघिल्लो वर्षको उद्धार यात्रामा तीन सय चार जनाको उद्धार गरिएको जनाइएको छ । मंगलबार मोरङको पथरी, बेलबारी, विराटनगरमा उद्धार कार्य गरिने छ ।
असोज २६ गते प्रधानमन्त्री केपी शर्मा ओलीले उद्धार यात्राको शुभारम्भ गर्नुभएको थियो । यो यात्रा आगामी कात्तिक २८ गते सकिनेछ ।
The post मेची–महाकाली राष्ट्रिय उद्धार यात्रा : झापाबाट १० जनाको उद्धार appeared first on Jhapa Online.
What's Your Reaction?