देशभरको मौसम : हिमालमा आंशिक बदली, पहाडमा मेघगर्जनसहित हल्का वर्षाको सम्भावना
काठमाडौं । आज देशका विभिन्न भूभागमा आंशिक बदलीको सम्भावना रहेको छ। हिमाली क्षेत्रमा दिनभर आंशिक बदलीको संभावना रहेको छ भने पहाडी क्षेत्रमा एक–दुई स्थानमा मेघगर्जन र चट्याङ्गसहित हल्का वर्षा हुन सक्ने मौसम पूर्वानुमान महाशाखाले जनाएको छ। तराई क्षेत्र भने दिउँसो र राति आंशिक बदलीबाट मुख्यतः सफा रहने सम्भावना रहेको छ। मधेश, लुम्बिनी, र तराईका अन्य […]
काठमाडौं । आज देशका विभिन्न भूभागमा आंशिक बदलीको सम्भावना रहेको छ।
हिमाली क्षेत्रमा दिनभर आंशिक बदलीको संभावना रहेको छ भने पहाडी क्षेत्रमा एक–दुई स्थानमा मेघगर्जन र चट्याङ्गसहित हल्का वर्षा हुन सक्ने मौसम पूर्वानुमान महाशाखाले जनाएको छ।
तराई क्षेत्र भने दिउँसो र राति आंशिक बदलीबाट मुख्यतः सफा रहने सम्भावना रहेको छ।
मधेश, लुम्बिनी, र तराईका अन्य प्रदेशमा मौसम सफा रहने सम्भावना भए पनि अन्य प्रदेशहरूमा आंशिक बदलीको संकेत देखिन्छ। कर्णाली र सुदूरपश्चिममा दिनभर आंशिक बदली रहनुका साथै केही स्थानमा हल्का वर्षा हुनसक्ने छ।
गण्डकी र बागमती प्रदेशमा पनि दिउँसो आंशिक बदलीसहित हल्का वर्षाको सम्भावना रहेको छ भने राति पहाडी क्षेत्रमा पनि त्यस्तै हल्का वर्षा हुने अनुमान गरिएको छ।
यसैबीच, तराईमा राति मुख्यतया मौसम सफा हुने संभावना रहेकोले यात्रा तथा अन्य बाहिरी गतिविधिका लागि अनुकूल वातावरण मिल्ने अनुमान गरिएको छ।
What's Your Reaction?