खिजीदेम्बा ३ ओखलढुंगामा खुल्ला पुरुष तथा महिला फुटबल प्रतियोगिता हुने

ओखलढुंगा ।

पवित्र युवा क्लब खिजीदेम्बा ३ को आयोजनामा पुरुष तथा महिला खुला फुटबल प्रतियोगिताको आयोजना हुने भएको छ । पवित्र युवा क्लबको आयोजनामा यही कार्तिक २८ गते देखि  पुरुष तथा महिला खुला खिजीदेम्बा कप फुटबल प्रतियोगिता हुने भएको हो ।

 प्रतियोगिता खिजीदेम्बा ३ मा रहेको खेल मैदानमा हुने र प्रतियोगिता ल्ष्लभ (ब् साईजमा खेलाइने आयोजकले जनाएका छन् । प्रतियोगितामा पुरुष तर्फ प्रथम हुने टिमलाई नगद  १ लाखको साथमा शिल्ड, मेडल र प्रमाण पत्र वितरण गरिने पवित्र युवा क्लबका अध्यक्ष भविराज सुनुवारको भनाई रहेको छ ।यसैगरी  उप विजेता हुने टिमलाई नगद  ६० हजारको साथमा शिल्ड, मेडल र प्रमाण पत्र वितरण गरिने उनको भनाई रहेको छ ।

 प्रतियोगिताका सेमिफाईनलिस्ट दुई टिमलाई नगद  २०—२० हजार प्रदान गरिने आयोजकको भनाई रहेको छ ।

 यसैगरी  महिला तर्फ पहिलो हुने टिमलाई नगद  ३० हजारको साथमा शिल्ड, मेडल र प्रमाण पत्र वितरण गरिने छ भने दोस्रो हुने टिमलाई नगद  २० हजारको साथमा शिल्ड, मेडल र प्रमाण पत्र वितरण गरिने छ । प्रतियोगितामा विधागत तर्फका उत्कृष्ट खेलाडीहरूलाई समेत पुरस्कार प्रदान गरिने आयोजकले जानकारी गराएका छन् ।

 प्रतियोगितामा उत्कृष्ट हुने पुरुष टिमका खेलाडीलाई नगद  ३ हजार र महिला खेलाडीलाई नगद  २ हजारको साथमा मेडल र प्रमाण पत्र वितरण गरिने छ । यसै गरी  पुरुष तर्फको उत्कृष्ट गोल रक्षकलाई  तिन हजार र महिला तर्फको उत्कृष्ट गोल रक्षकलाई दुई हजारको साथमा मेडल र प्रमाण पत्र वितरण गरिने खेल संयोजक अञ्जन सुनुवारले बताएका छन्  ।

 प्रतियोगिता भरि सबै भन्दा धेरै गोल गर्ने पुरुष खेलाडीलाई ३ हजारको साथमा मेडल र प्रमाण पत्र र महिला खेलाडी २ हजारको साथमा मेडल र प्रमाण पत्र वितरण गरिने उनको भनाई रहेको छ ।

 प्रतियोगितामा भाग लिनका लागि पुरुष टिमले ५ हजार टिम दर्ता स्वरुप बुझाउनु पर्ने छ भने महिला टिमलाई टिम दर्ता निःशुल्क गरिएको छ ।