पिकअप दुर्घटनामा देउसी भैलो खेल्न हिँडेका १० जना घाइते

नवलपरासी । नवलपरासीको सुस्ता गाउँपालिका-३ विगेपमा पिकअप गाडी अनियन्त्रित भएर सडकछेउ पल्टँदा १० जना घाइते भएका छन्। लु ३ च ६०२२ नं को पिकअप गाडी गुडरियाबाट नर्सहीतर्फ  देउसी भैलिनी लिएर गइरहेको बेला दुर्घटनामा परेको प्रहरीले जनाएको छ ।

घाइते हुनेमा नवलपरासीको सुस्ता-२ गुदारिया बस्ने वर्ष १६ की सृस्ति मुखिया‚ वर्ष १९ की मन्जु महत्तो, वर्ष २१ की रेखा महतो‚ वर्ष २१ का बैजनाथ गुप्ता, जितराम मुखियाकी १४ वर्षीया छोरी लक्ष्मी मुखिया‚ बसन्त मुखियाको १६ वर्षीया छोरी वर्षा मुखिया‚ डिल्ली मुखियाकी १८ वर्षीया छोरी कविता मुखिया‚ राजुकुमार मुखियाकी १५ वर्षीया छोरी तिलकुमारी मुखिया‚ २३ वर्षीय विवेक चौधरी र सिता मुखियाको १३ वर्षीय छोरा ईशान्त मुखिया रहेको प्रहरीले जनाएको छ ।

गाडीमा २५ जना देउसे भैलिनी सवार रहेको जनाइएको छ। घाइतेहरुको चौपत्तास्थित शहीद स्मृति सामुदायिक अस्पतालमा उपचार भइरहेको प्रहरीले जनाएको छ ।