नवलपरासीमा देउसी भैलो समूह चढेको गाडी दुर्घटना, १० जना घाइते

नवलपरासीमा।

पश्चिम नवलपरासीमा देउसी भैलो खेल्ने समूह बोकेर हिंडेको गाडी दुर्घटना हुँदा १० जना घाइते भएका छन्। घाइतेमध्ये चार जनाको अवस्था मध्यम र छ जनाको अवस्था सामान्य रहेको छ प्रहरीले जनाएको छ।

शनिबार साँझ सुस्ता गाउँपालिका–३ विगेपस्थित भित्री सडकखण्डमा गुडरियाबाट नर्सहीतर्फ जाँदै गरेको लु ३ च ६०३२ नम्बरको पिकअप गाडी बाटोमा हिँडिरहेको बाख्रालाई जोगाउने क्रममा अनियन्त्रित भई बाटाछेउमा पल्टेको हो।

सो घटनाबारे जानकारी प्राप्त हुनासाथ प्रहरी टोली खटी घाइतेहरूलाई उद्धार गरेर उपचारका लागि सहिद स्मृति सामुदायिक अस्पताल, चौपत्ता पठाएको छ।

गाडी चालक प्रहरीको नियन्त्रणमा रहेका छन्।