राष्ट्रिय क्रिकेट टोली स्वदेश फर्कियो

काठमाडौं । नेपाली राष्ट्रिय क्रिकेट टोली स्वदेश फर्किएको छ ।

बिहीबार नेपाल आइपुगेको राष्ट्रिय टोलीलाई नेपाल क्रिकेट संघ (क्यान)का पदाधीकारीहरुले त्रिभुवन अन्तर्राष्ट्रिय विमानस्थलमा स्वागत गरेका हुन् । विश्वकप क्रिकेट लिग–२ का प्रतिस्पर्धा गर्न नेपाली टोली क्यानडा र अमेरिका भ्रमणमा गएको थियो ।

नेपालले अमेरिका र क्यानडामा २ वटा एकदिवसीय लिग–२ सिरिज, १ त्रिकोणात्मक टी–२० सिरिज तथा अमेरिकासँग ३ टी-२० आई सिरिज खेलेको थियो ।

नेपाली टोली भदौ २५ गते क्यानडा गएको थियो । क्यानडामा ओमान र घरेलु टोलीविरुद्धको ओडिआई सिरिजको ३ खेलमा नेपाल पराजित भयो । बाँकी १ खेल भने रद्द भएको थियो । लिग–२ पश्चातको टी-२० सिरिजमा भने नेपाल दोस्रो भयो ।

अमेरिकामा नेपालले अमेरिकाकासँगको ३ टी-२० आई सिरिज भने क्लिन स्विप गरेको थियो । त्यसपछि घरेलु टोली र स्कटल्याण्डविरुद्ध भएको लिग २ मा नेपाल १ खेलमा जित हासिल गर्न सफल भयो । २ खेलमा नेपाल पराजित भयो भने एक खेल रद्द भयो ।