नेपालले दियो थाईल्याण्डलाई १४० रनको लक्ष्य, साना प्रविनको अर्धशतक

काठमाडौं । यू–१९ महिला विश्वकप एसिया छनोटमा नेपालले थाईल्याण्डलाई १४० रनको लक्ष्य दिएको छ ।

यूएईस्थित अज्मानस्थित द सेभेन्स स्टेडियममा जारी खेलमा टस जितेर पहिले ब्याटिङ रोजेको नेपालले पूरै ओभर खेलेर ९ विकेटको क्षतिमा १३९ रन बनाएको हो ।

नेपालका लागि साना प्रविनले अर्धशतक प्रहार गरिन् । उनले ४६ बलमा ७ चौका प्रहार गर्दै ५३ रन बनाए ।

सावित्री धामीले २८ रन बनाए । सोनी पाख्रीनले १९ रन बनाए । अन्य खेलाडीले दोहोरो अंक जोड्न सकेनन् ।

थाईल्याण्डका लागि र नाथारिका थोकाईले ३ र केसिनी काउजुम्फोलले २ विकेट लिए । कुरानित सुवान्चोराथीले १ विकेट लिए ।