बजगाईंविरुद्ध मन्त्री पाण्डेको उजुरी, शृङ्खलाबद्ध कुप्रचार गरेको आरोप

काठमाडौं । संस्कृति, पर्यटन तथा नागरिक उड्डयनमन्त्रीसमेत रहेका नेपाली कांग्रेसका सहमहामन्त्री बद्री पाण्डेले कांग्रेसकै सांसद राजेन्द्र बजगाईंविरुद्ध उजुरी दर्ता गराएका छन् ।

आफूविरुद्ध शृङ्खलबद्ध कुप्रचार गरेको भन्दै मन्त्री पाण्डेले पार्टीको संसदीय दल र अनुशासन समितिमा उजुरी दर्ता गराएका हुन् । मन्त्री पाण्डेले आफ्नो सचिवालय सदस्यमार्फत उजुरी दर्ता गराएका छन् ।

कांग्रेस महासमिति सदस्य बजगाईं गोरखा १ का सांसद हुन् । मन्त्री पाण्डेले बजगाईंले आफूविरुद्ध मन्त्री भएदेखि नै शृङ्खलाबद्ध रूपमा कुप्रचार गर्दै आएको निवेदनमा उल्लेख गरेका छन् ।

मन्त्री पाण्डेले बजगाईंले अमर्यादित, अवाञ्छित, अराजक तथा गैरकानूनी कार्य गरेको आरोप लगाएका छन् ।