पृथ्वी राजमार्गमा बस ठोक्किँदा एकजनाको मृत्यु‚ ३० घाइते

काठमाडौं । पृथ्वी राजमार्गअन्तर्गत तनहुँको बन्दीपुर गाउँपालिका–५ नयाँपुल गोरेचौतारामा दुईवटा बस एक आपसमा ठोक्किएका छन् ।

आइतबार दिउँसो गण्डकी जिएए ००७० नम्बरको बस र भे १ ख ३४८७ नम्बरको बस आपसमा ठक्कर खाँदा एकजनाको मृत्यु र  ३० जना घाइते भएको जिल्ला प्रहरी कार्यालय तनहुँले जनाएको छ।

मृत्यु हुनेमा बसचालक तनहुँ रेसिङ पाटनका ३९ वर्षिय रामबहादुर परियार रहेको जिल्ला प्रहरी कार्यालयका प्रहरी नायव उपरीक्षक अशोक थापाले जानकारी दिए।

घाइतेहरुको डुम्रेस्थित मोती अस्पताल र लक्ष्मी अस्पतालमा उपचार भइरहेको छ। घाइतेमध्ये दुईजनाको अवस्था गम्भीर रहेको बताइएको छ ।