जुत्ताभित्र लुकाएर ल्याएको दुई किलो सुनसहित एक जना पक्राउ

काठमाडौं । प्रहरीले दुई किलो सुनसहित रसुवाबाट एक जनालाई पक्राउ गरेको छ ।

कालिका गाउँपालिका-१ ग्राङबाट सुनसहित गोसाइँकुण्ड गाउँपालिका–३ ब्रिद्धिम बस्ने ३४ वर्षीय कर्मा सोनाम लामालाई पक्राउ गरेको जिल्ला प्रहरी कार्यालय रसुवाका डीएसपी केशव भट्टराईले जानकारी दिए ।

अस्थायी प्रहरी पोष्ट ग्राङबाट खटिएको प्रहरीले कालिकातर्फ जाँदै गरेको बागमती प्रदेश ०२-०४३ प २४३४ नम्बरको मोटरसाइकललाई जाँच गर्ने क्रममा लामाले लगाएको दुवै जुत्ताभित्र लुकाई छिपाई ल्याएको उक्त सुन फेला पारी पक्राउ गरिएको हो ।

आवश्यक अनुसन्धान र जाँचका लागि राजश्व अनुसन्धान विभागमा पठाइएको प्रहरीले जनाएको छ ।