आगलागीबाट तीन घर जलेर नष्ट 

बाजुरा। 

बाजुराको सदरमुकाम मार्तडीदेखि पूर्वी उत्तरी भेगको बुढीनन्दा नगरपालिकामा आगलागीबाट तीन घर जलेर नष्ट भएका छन् । आइतबार राति सोही नगरपालिका–४ ताडीका स्थानीय गुलाब बोहरा,भीमलाल बोहरा र हिरामणी बोहराको घरमा आगलागी हुँदा  ४५ लाख बराबरको धनमालको जलेर नष्ट भएको जिल्ला प्रहरी कार्यालय बाजुराले जनाएको छ ।

खाना पकाउनका लागि बालेको आगोले आगलागी हुँदा तीन वटै घर पुरै जलेर नष्ट भएका छन् । तीनै जनाको घर संगै जोडिएकाले आगलागीबाट बढी क्षती भएको जनाएको छ । आगलागीबाट घरमा रहेका लत्ताकपडा, अन्नपात, भाँडावर्तन जलेर नष्ट भएको छ । मानवीय क्षति भने केही नभएको  जिल्ला प्रहरी कार्यालय बाजुराले जनाएको छ ।