विप्लव र प्रकाण्डले प्रधानमन्त्रीलाई भने – चीनसँग कुरा गर्न नडराउनुस्

काठमाडौं । नेपाल कम्युनिस्ट पार्टीका महासचिव विप्लव र प्रवक्ता प्रकाण्डले नेकपा (एमाले) अध्यक्ष तथा प्रधानमन्त्री केपी शर्मा ओलीलाई चीनसँग राष्ट्र र जनहितका कुरा गर्दा आउने अवरोध र विरोधसँग नडराउन आग्रह गरेका छन् ।

मंगलबार प्रधानमन्त्री निवास बालुवाटारमा पुगेर उनीहरुले यस्तो आग्रह गरेका हुन् । भेटमा देशको स्थिति जटिल र अराजकता मौलाउन खोजेको भन्दै त्यसको समाधान नयाँ ढङ्गले खोज्नुपर्ने विषय औँल्याएका थिए ।

भेटमा विप्लव र प्रकाण्डले चीन भ्रमणको सफलताको शुभकामना पनि दिएका थिए ।

साथै, आफ्नो पार्टीसँग भएको तीन बुँदे सहमति कार्यान्वयनलगायत समसामयिक विषयमा छलफल भएको बताइएको छ ।