गौ हत्याको विरोधमा सुरुङ्गामा तनाव, दाहसंस्कारका लागि कनकाई माईमा लगिँदै

कनकाई, ११ मंसिर । गौ हत्याको विरोधमा झापाको सुरुगा तनाव ग्रस्त बनेको छ । हत्याराको कार्वाहीको माग गर्दै गाईको शव ल्याएर केही समय सडकमा राखेर दाहसंस्कारका लागि कोटिहोम स्थित कनकाई माईमा ल्याउने काम भइरहेको छ।

कनकाई नगरपालिका वडा नं. ३ स्थित लिला संग्रौलाले भाडामा लगाएको घरमा गाईको हत्या भएको आज विहान खुलेको थियो । भाडामा बसेका मुस्लिम थरका व्यक्तिले लगेर गाईको हत्या गरेको प्रहरीको अुनमान छ । कनकाई नगरपालिकाको हरिकुल स्कुलनजिकबाट दुर्गा सिलवालको सो लैनो गाई राति चोरेर लगी हत्या गरेको स्थानीयबासीले बताएका छन् ।

विहान दुहुन जाँदा गाई नदेखेपछि शिलवालले गाई चोरी भएको भन्दै इलाका प्रहरी कार्यालयलाइ खबर गरेका थिए । गाईको हत्या भएका थाहा पाएपछि घटना स्थलमा हजारौं मानिसहरु भेला भई हत्याको विरोधमा नाराबाजी लगाएका छन् । स्थानीयबासी लगायत कनकाई नगरपालिकाका नगरप्रमुख राजेन्द्र पोख्रेलले हत्यारालाई कडा भन्दा कडा कार्वाहीको माग गरेका छन् ।

हत्या भएको स्थलमा झापा जिल्लाका ह्रिन्दुधर्मका धर्मगुरुहरुको व्यापक उपस्थिति रहेको छ । हत्याको आशंकमा तीन जना प्रकाउ परेको बताएको पनि प्रहरीले भने आधिकारी जानकारी दिएको छैन । हाल गाईको शवलाई हाल सुरुङ्गा बजारमा ल्याएर हत्याराको माग गर्दै केही समय सडक अवरुद्ध शवलाईका कोटिहोम स्थित कनकाई माईमा ल्याउने काम भइरहेको छ ।

The post गौ हत्याको विरोधमा सुरुङ्गामा तनाव, दाहसंस्कारका लागि कनकाई माईमा लगिँदै appeared first on Jhapa Online.