लाहिरु मिलान्था ‘प्लेयर अफ द म्याच’

काठमाडौं । नेपाल प्रिमियर लिग (एनपीएल)को उद्घाटन खेलमा उत्कृष्ट प्रदर्शन गरेका जनकपुर बोल्ट्सका लाहिरु मिलान्था ‘प्लेयर अफ द म्याच’ बनेका छन् ।

उनले विराटनगर किंग्सविरुद्ध ७५ रन जोडेका थिए । त्यसक्रममा उनले ९ चौका र ३ छक्का प्रहार गरेका थिए । यससँगै उनले ५० हजार रुपैयाँ पुरस्कार पाएका छन् ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा शनिबार भएको खेलमा जनकपुरले विराटनगरलाई ८ विकेटले पराजित गरेको हो ।

विराटनगरले दिएको १२८ रनको लक्ष्य जनकपुरले १५.३ ओभरमा २ विकेटको क्षतिमा पूरा गरेको थियो ।