करिब ७ किलो कोकिनसहित विमानस्थलबाट एक महिला पक्राउ

काठमाडौँ।

त्रिभुवन अन्तर्राष्ट्रिय विमानस्थलबाट झन्डै ७ किलो कोकिनसहित एक विदेसी महिलालाई प्रहरीले पक्राउ गरेको छ। आइतबार साँझ सशस्त्र प्रहरी बल नेपाल त्रिभुवन अन्तर्राष्ट्रिय विमानस्थल भन्सार सुरक्षा वेश र त्रिभुवन अन्तर्राष्ट्रिय विमानस्थल भन्सार कार्यालयको संयुक्त चेकजाँचको क्रममा हाते ब्यागमा लुकाएर ल्याएको ६ किलो ८ सय ४० ग्राम कोकिनसहित केन्याली महिला चिलियन केरुबो ओगिटोलाई पक्राउ गरेको हो।

कातार एयरवेजबाट आएकी उनलाई थप अनुसन्धान र कारबाहीको लागि सम्बन्धित निकायमा बुझाउने तयारी रहेको प्रहरीले जनाएको छ।