बिर्तामोडमा बम राख्ने थप दुई जना पक्राउ

झापा, २७ मंसिर । झापाको बिर्तामोडस्थित शमशेर एण्ड गंगादेवी टिस्टेटको कम्पाउण्ड नजिकै बिस्फोट भएको अवस्थामा फेला परेको प्रेसर कुकर बम राखेको आरोपमा प्रहरीले थप दुई जनालाई पक्राउ गरेको छ ।

पक्राउ पर्नेमा गोरखा पालङटार नगरपालिका–७ घर भई हाल तनँहु ब्यास नगरपालिका–१४ मा बस्दै आएका ३६ वर्षीय अमृत सापकोटा (उपनाम गौरव) र खोटाङ खोटेहाङ गाँउपालिका–७ कातिके टोलका ३५ वर्षीय ्दिलिप भट्टराई (उपनाम समर्पण भट्टराई) लाई पक्राउ गरेको हो ।

गत भदौ २८ गते बिर्तामोड–६ स्थित शमशेर एण्ड गंगादेवी टिस्टेटको कम्पाउण्ड नजिकै बिस्फोट भएको अवस्थामा फेला परेको प्रेसर कुकर बम बरामद भएको थियो । उक्त घटनामा संलग्न भएको आरोपमा मंसिर २५ गते जिल्ला प्रहरी कार्यालय पर्साको सहयोगमा पक्राउ गरी आज जिल्ला अदालत झापाबाट ९ दिन म्याद गरी अनुसन्धान अघि बढाइएको हो ।

The post बिर्तामोडमा बम राख्ने थप दुई जना पक्राउ appeared first on Jhapa Online.