बलर चुटिएको र छक्काको वर्षा भएको खेल (तस्वीरहरू)

काठमाडौं । एनपीएलको तेस्रो खेलमा बलर चुटिएका छन् भने ब्याटरले छक्काको वर्षा गरेका छन् ।

त्रिवि मैदानमा कर्णाली याक्स र जनकपुर बोल्ट्सबीचको खेलमा दुबै टोलीका बलर चुटिएका हुन् ।

एनपीएलको अहिलेसम्मको उच्च स्कोर बनाउने क्रममा कर्णालीले अन्तिम दुई ओभरमा कर्णालीले ४२ रन जोडेको थियो । जनकपुरका हर्ष थाकेरले ४ ओभर बलिङ गर्दै ४५ रन खर्चेका थिए ।

समग्रमा पहिलो इनिङ्समा टोलीले ६ छक्का प्रहार गरेको थियो ।

दोस्रो इनिङ्समा ८ छक्का प्रहार भयो । जसक्रममा सबैभन्दा धेरै कर्णालीको कप्तान सोकपाल कामी नै चुटिए । उनले ३ ओभरमा ३३ रन खर्चिए ।

जनकपुर बोल्ट्सले कर्णाली याक्सलाई ८ विकेटले पराजित गरेको छ ।