धवनको अर्धशतकलाई माथ खुवाउने करणको विस्फोटक इनिङ्स (तस्वीरहरू)

काठमाडौं । नेपाल प्रिमियर लिग (एनपीएल)मा काठमाडौं गुर्खाजले पहिलो जित दर्ता गरेको छ ।

बुधबार कीर्तिपुरस्थित त्रिवि अन्तर्राष्ट्रिय क्रिकेट मैदानमा भएको खेलमा काठमाडौंले कर्णाली याक्सलाई ३ विकेटले हराएको हो ।

कर्णालीले दिएको १५० रनको लक्ष्य पछ्याएको काठमाडौंले १९.३ ओभरमा ७ विकेटको क्षतिमा पूरा गर्‍यो ।

काठमाडौंका लागि सातौं नम्बरमा ब्याटिङ गर्न आएका कप्तान करण केसीले १० बलमा २ चौका र २ छक्का प्रहार गर्दै २८ रनको विस्फोटक इनिङ्स खेले । उनलाई सुमित महर्जनले बलियो साथ दिए । महर्जनले अविजित ४० रन जोडे । उनी ‘प्लेयर अफ द म्याद’समेत घोषित भए । गेर्हार्ड इरास्मसले ३८ र माइकल लेभिटले २२ रन बनाए ।

केसीको विस्फोटक इनिङ्सले कर्णालीका ओपनर शिखर धवनको अर्धशतकलाई छायाँमा पारेको छ । धवनले टोलीका लागि ७२ रनको योगदान गरेका थिए । पहिलो खेलमा खुलेर खेल्न नसकेका उनले दोस्रो खेलमा अर्धशतक बनाएका थिए । तर, त्यो जितका लागि पर्याप्त भएन ।

तस्वीरहरू-