रविलाई सडकमार्ग हुँदै रातारात पोखरा पुर्‍याइयो

काठमाडौं । सहकारीको रकम अपचलनको आरोप लागेर अनुसन्धानका क्रममा रहेका राष्ट्रिय स्वतन्त्र पार्टी (रास्वपा)का सभापति रवि लामिछानेलाई बुधबार राति पोखरा लगिएको छ । चितवनमा बुधबार बयान सकिएपछि उनलाई रातारात सडकमार्ग हुँदै पोखरा लगिएको हो ।

गोर्खा मिडिया प्रालिका तत्कालीन प्रबन्ध निर्देशक लामिछानेलाई चितवनबाट मध्यराति ३:३० बजे पोखरा पुर्‍याइएको प्रहरी स्रोतले जनाएको छ ।

बिहान लैजाँदा उनका समर्थकको भीडभाड हुनसक्ने भएपछि पूर्वउपप्रधान एवं गृहमन्त्रीसमेत रहेका लामिछानेलाई रातारात सडकमार्ग हुँदै पोखरा लगिएको बताइएको छ ।