सुदूरपश्चिमको दबदबाअघि निरीह लुम्बिनी (तस्वीरहरू)

काठमाडौं । एनपीएलमा सुदूरपश्चिम रोयल्सको विजयी यात्रा जारी छ ।

शनिबार भएको खेलमा लुम्बिनी लायन्सलाई ४५ रनले हराउँदै सुदूरपश्चिमले जितको दबदबा कायमै राखेको छ ।

बलियो ब्याटिङ र बलिङ लाइनअप रहेको सुदूरपश्चिमको यो तेस्रो जित पनि हो । सुदूरपश्चिमको हरेक पक्षले अहिले जबर्जस्त प्रदर्शन गरिरहेको छ । सोहीकारण अंकतालिकाको पनि शीर्षस्थानमा टिम पुगेको छ ।

कप्तान दिपेन्द्रसिंह ऐरीको अलराउन्डर प्रदर्शन, ओपनरको गज्जबको ओपनिङ साँच्चै हेर्नलायक छ ।

यता, लुम्बिनीको भने यो तेस्रो हार हो ।

ब्याटिङ पक्ष बलियो नै रहेपनि लुम्बिनीको बलिङ कमजोर रहेको छ । जुन कुरा कप्तान रोहितकुमार पौडेलले शुक्रबार पोखरासँग १० विकेटले हारेपछि स्वीकारेका थिए ।

रोहितलाई पत्रकारहरूले अब कसरी समाधान गर्नुहुन्छ भनेर सोधेका थिए । जवाफमा रोहितले ठट्टा गर्दै भनेका थिए, ‘अब बुमराहलाई ल्याउनुपर्छ ।’

लुम्बिनीले जित निकाल्न बलिङ पक्ष बलियो बनाउनुपर्नेमा कुनै शङ्का छैन ।

तस्वीरहरू-